【選擇迷你倉攻略】

香港蝸居處處，愈來愈多人租用迷你倉用來存放物品，為屋企增加活動空間。不過市面上嘅迷你倉質素參差不齊，究竟點樣揀迷你倉先最穩陣？今次小編同大家分享租倉注意事項！

• 迷你倉環境

租倉前建議大家實地考察，唔好忽略樓底高度。迷你倉通常以實用面積去劃分租金，但不少人忽略咗迷你倉嘅樓底高度，其實亦影響儲存量。倉內通常會以箱疊箱咁向上儲物，若實用平方呎相同，樓身愈高自然可以儲物更多，相反樓底低，可能係部分迷你倉租金較平嘅原因。

除咗樓底高度，如果儲存環境欠佳，有可能導致書本、電器、珍藏等物品因潮濕嘅環境而發霉或損壞。唔想以上情況發生，選擇迷你倉前要留意有冇24小時冷氣開放及恆溫系統，亦可查詢有冇專人定期清潔及進行防蟲工作。最後，要留意迷你倉有冇CCTV監控同門禁系統，閒雜人等不得進入，以保障物品嘅安全。

• 隱藏費用

一般迷你倉公司嘅收費，都係按儲存倉平面面積計算，預繳租期愈長，提供折扣愈多。要注意的是一些公司會以建築面積計算租金，實用率唔夠六成，變相實際租金可比其他迷你倉高兩成！睇倉時，要了解該公司是以實用面積或建築面積計算，可以現場度尺！

除咗基本月費、按金之外，租倉時會衍生額外收費，例如鎖頭費、智能卡費等等。如果需要向迷你倉購買包裝物品（如紙箱、膠紙等），又或者要用佢哋嘅搬運服務，涉及嘅費用自然更多，而且價錢亦往往比市價略高。所以喺租用前，要了解清楚所有收費項目。城市迷你倉收費公開透明，清楚列明收費詳情，絕無隱藏收費。

• 附近交通

除咗環境同價錢之外，大家仲要考慮埋迷你倉交通配套，係咪毗鄰地鐵站、有無停車場等等因素。大部分迷你倉都位處舊式工廠大廈，即使話有泊車位，但一般都係有限數目，而且日間多數被佔用。如果入倉時自行駕車，搵車位停泊會係一大難題。選擇泊到就近停車場，都會搬得吃力；選擇周街泊，不幸被抄牌就等同倉租加幾百。最理想係迷你倉身處工廠大廈有充足車位，不過真係可遇不可求。城市迷你倉分店遍佈香港、九龍及新界，交通便利，總有一間係你附近。

城市迷你倉推出跨境商業存倉優惠*！凡預繳3至5個月迷你倉合約，可享8折優惠；凡預繳6至11個月迷你倉合約，可享75折優惠；凡預繳12個月迷你倉合約，更可享高達7折優惠！大家可到網站了解更多https://metrostorage.com.hk/latest-news/promos/20230315/

*優惠受條款約束

• 此優惠只適用於所有商業客戶及新客戶。確認服務前，客戶必須出示其商業登記證 / 中國個體戶營業執照 / 最近3個月的大量購貨單據以享用此優惠。
• 此優惠不能與其他優惠同時使用。(即LIKE Facebook 送好禮除外)
• 客戶須於合約生效前預繳所有服務費方能享用此優惠。
• 客人須選用︰轉數快、EPS、WeChat Pay、AlipayHK、現金、支票或銀行轉

帳支付費用。

• 如有任何爭議，城市迷你倉保留最終決定權。
• 此優惠不適用於黃竹坑分店。

記得追蹤埋城市迷你倉同城市搬運嘅Facebook Page同埋Blog，定期同你分享最新優惠同埋家居資訊！