【年廿八洗邋遢之快靚正執屋方法】

聽日就係年廿八，又到咗一年一度的洗邋遢日。大家都係時候要喺屋企進行大掃除！覺得自己間屋亂到無從入手？今次小編分享幾個快靚正嘅清潔執屋方法！

• 牆壁瓷磚油污黴菌

廚房牆身嘅瓷磚，每日都會經歷水油洗禮，長年累月就會積聚難以消除嘅油污及黴菌。大家可以試吓喺瓷磚塗上牙膏，再用牙刷擦拭，有助去除油漬及黴菌。對待瓷磚縫更難清除的黴菌，可用廚房紙巾沾上漂白水，用膠紙固定敷在有黴菌的瓷磚縫，敷一晚之後撕下紙巾，再用牙刷擦拭。

• 鋅盆和水龍頭污垢

廚房大掃除第一樣諗到嘅一定係水龍頭及鋅盆，見到陳年污垢都好想抹掉，呢啲看似難以清理嘅污漬，其實只需用食用梳打粉撒喺水龍頭及鋅盆上，再用檸檬果肉擦拭水龍頭及鋅盆，檸檬和梳打粉結合後潔力強勁，一過水就能清走日積月累嘅水垢及油漬，水龍頭及鋅盆回復立立令，唔好忘記隙縫中嘅污漬記得用牙刷擦拭清理。

• 杯碟污漬

親朋戚友可能會趁新年到家中一聚，都需要出動杯碟招呼客人，但有無發現杯子總有污漬，自己用都覺得骯髒，莫講話比客人用。其實去除污漬好簡單，用牙膏或檸檬汁擦洗，又或者梳打份加少許溫水浸泡，再用海綿擦拭，就可輕易去除污漬了。

迎接2023，新年新氣象📢

相信大家都為着農曆新年忙過不停😎，今年防疫措施進一步放寬，大家終於可以連同親朋戚友一起共渡新一年嘅蒞臨。
大家仲唔快啲將屋企打掃得乾乾淨淨做一個大掃除！城市迷你倉為大家提供<大掃除價💰>，指定倉更低至六折，數量有限。讓你可以輕輕鬆鬆把家具變成煥然一新！🎉🏁

記得追蹤埋城市迷你倉同城市搬運嘅Facebook Page同埋Blog，定期同你分享最新優惠同埋家居資訊！