01 十一月 2022

【入秋衣物收納秘訣】

天氣開始涼，又係時候整理衣櫃，騰出空間來存放秋冬衣物。今次小編分享兩個捨棄衣物兩大原則，同時教大家點樣收拾衣櫃先可以製造最多嘅收納空間！事不宜遲，大家繼續睇落去啦！

Image Source: https://i.insider.com/5c65c833eb3ce822d4358404?width=1136&format=jpeg

捨棄衣物兩大原則

穿著頻率低

相信喺衣櫃中，總有啲衣服係唔鍾意或者唔適合，買完之後只係著過一兩次，以後大概亦唔會再著，但因為覺得浪費而遲遲唔扔。呢個時候大家可以將部分唔要嘅衣服放到二手網站出售，或者捐到慈善機構幫助有需要嘅人，亦可將衣服放到舊衣物回收箱，以免造成浪費。

質感變差

日復日穿著嘅衣物，相信大家都情有獨鍾，但衣物屬於消耗品，隨時間變得質感差、發黃、變形、出現破洞，有時仲會沾上清理不掉嘅污漬，種種徵狀都表示衣物係時候要淘汰。

Image Source: https://www.acleanbee.com/wp-content/uploads/2019/07/recycled_clothes.jpg

空間規劃

收納前可以對衣櫃嘅空間佈局有個整體規劃，分區擺放，方便日常使用。第一，劃出區域來放置過季衣物，避免衣櫃亂成一團，例如夏季衣物可以放到衣櫃最上層或最下層，呢啲位置唔方便拿取，正好用來放置放過季衣物。第二，中層就擺放當季衣物，方便日常使用。大家亦可以將夏季衣服用收納箱收好，放到不佔用常用活動空間嘅位置如櫃頂、房間角落等地方。