【不適合存倉的5種物品】

迷你倉愈嚟愈普及，不過並唔係所有物品都適合存倉。今日小編會分享5樣不適合存倉嘅物品，存倉前記住留意啦！

• 易燃物品

一般迷你倉規定，不得在倉內儲存易燃物品，如石油、天拿水、火酒等等，以免發生火警。2016年九龍灣迷你倉大火更造成兩位消防員殉職，令政府加大力度監管迷你倉，當中城市迷你倉全面遵守消防條例，設有防火設施。當然最理想嘅方法就係避免存放會引致火警嘅物品，因為一旦發生意外，將危及整個迷你倉以至整幢大廈，後果不堪設想。

• 植物/動物

無論係動物、昆蟲或植物，只要有生命嘅物品都唔應該存入迷你倉。即使係唔需要長期淋水嘅植物，如仙人掌，都唔適合喺封閉嘅空間生存，而且盆中泥土有機會滋生細菌或惹來昆蟲，對倉中其他物品造成損害。

• 有限期物品

一般迷你倉不建議存放有使用期限嘅物品，例如口罩、護膚品或日用品。如果長期儲存喺迷你倉，容易忘記使用期限，攞番出嚟嘅時候已經過期，失去效用，造成浪費。城市迷你倉亦唔建議將食品或飲品儲存喺迷你倉，因為食品包裝一旦破損，容易引致發霉、腐爛，不但會發出異味，更會引來蟑螂，影響衛生。

• 貴重物品

城市迷你倉保安嚴密，設有24小時CCTV，喺大多數情況之下倉中物品都係安全嘅，但迷你倉始終唔係銀行保險庫，對於十分貴重、極之珍貴嘅物品，都應考慮放入銀行保險箱。

• 非法物品

迷你倉唔容許存放非法物品，例如槍械、私煙、毒品等等，近年都有不少新聞，關於警方或海關喺迷你倉檢獲非法物品。而且海關部門及毒品調查科經常會跟迷你倉聯繫及查詢，千祈唔好以身試法。

想保持家居環境整潔，不如考慮選用符合消防安全認可嘅城市迷你倉啦！我地全港十多間分店任你選擇，設有恆溫系統，嚴格控制濕度，仲有好多優惠添，而且總有一間喺你附近！

記得追蹤埋城市迷你倉同城市搬運嘅Facebook Page同埋Blog，定期同你分享最新優惠同埋家居資訊！