【3大包裝貼士: 令搬運效率更高】

搬屋最重要就係包裝同入箱，呢兩個步驟做得妥當可以避免物品喺搬運過程出現破損，仲可以有效率咁點算物品，方便整理。究竟點先可以將物品包裝得整齊穩妥？立即參考以下3大包裝貼士！

步驟1. 物件分類

準備搬屋時可先將物品分類，以必需品、非必需品或區域劃分，例如睡房、廚房、客廳等等，再細分易碎品或非易碎品。每箱都用貼紙或用筆寫低分類項目，亦可以用數字方便點算。無論用紅白藍袋定紙箱都好，搬屋包裝時都一定要分類，令搬運效率更高，拆箱時亦方便整理。

步驟2. 鞏固根基

包裝時切勿忽略紙箱底層，建議將硬身且較大嘅物件放底，例如膠箱、鑊、煲等等，之後可將其他輕身嘅物品放入呢類物品之中，可當保護層之餘，疊起時唔會因「頭重腳輕」而翻倒。

步驟3. 減少空位

包裝時盡量將物品填滿紙箱空間，避免物品互相碰撞而損壞。如果包裝完仲有空位，可以用毛巾、衣服、報紙等填滿。不過要注意紙箱重量，避免將所有重物集中喺同一個箱。搬運期間紙箱會疊起處理，以21x14x15吋嘅紙箱為例，每箱大概可承受約15-25公斤嘅重量。如果紙箱太重，容易令紙箱底層變形，甚至壓壞箱內物品，而且搬起上嚟容易傷腰。

城市搬運團隊累積10年經驗，確保將你嘅物品安全無損送到目的地。價格合理清晰，而家仲提供超抵優惠！租6個月/折後滿$8,000送$600運輸；租12個月/折後滿$12,000更送$1,000運輸。搬嘢•存倉一Take過！立即致電搬運熱線：6888 3009！

記得追蹤埋城市迷你倉同城市搬運嘅Facebook Page, MeWe同埋Blog，定期同你分享最新優惠同埋家居資訊！