【家電保養】冷氣 5 大使用貼士

冷氣絕對係炎熱天氣嘅救星！不過長期開冷氣嘅話，易有機件勞損，大家妥善保養，才能夠延長冷氣機壽命。所謂「少數怕長計」，今次仲會分享冷氣慳電小貼士，教大家慳住電嘆冷氣！

• 保養貼士

• 1. 定期清潔隔塵網

冷氣機容易積聚塵埃，阻礙通風，更有機會引致積雪，出現「噴冰」情況，嚴重影響機件運作和降溫效能，建議一年至少清潔隔塵網一次。清洗方法簡單，只需用花灑冷水沖洗即可；如果想消毒隔塵網，可用稀釋漂白水浸隔塵網，然後過水作徹底清潔。

• 2. 勿阻機身發熱

部分舊式樓宇設置嘅冷氣機位都在晾衫位置附近，不建議將雜物放在冷氣機上，有機會影響散熱，導致燒機。如果居住環境近食肆或油煙多嘅地方，就要檢查機身散熱位會否沾上油脂。油脂一般難以用清潔劑去除，如果發現有，建議搵專業冷氣師傅清潔。

• 3. 切勿直接熄總掣

變頻式冷氣機嘅摩打屬於高頻，突然熄總掣斷電有機會燒到電子版，唔好一時貪快直接熄總掣，建議大家使用遙控器關上。如果需關上總掣，建議用遙控器關上冷氣機後，待30分鐘先關上總掣。

• 慳電貼士

• 1. 溫度調高1度省電10%

唔少人瞓覺時都將冷氣溫度調低，驚自己半夜會熱醒。其實熟睡之後，體溫會稍為下降，所以調高啲就啱啱好。如果有時間掣，可將關機時間預設在起床前 1小時，冷空氣能夠喺室溫保持一段時間，唔洗擔心熱醒，又可以慳電費，一舉兩得。

• 2. 冷氣機風扇雙管齊下

風扇耗電量只係冷氣機嘅5-10%，所以風扇配合冷氣降溫係一個非常好嘅方法。即使將冷氣機嘅溫度調高2度，但只要配合風扇，加快空氣流動，冷空氣好快散播到每一個角落，節約能源之餘仲可以減省電費！

如果家中需要額外儲物空間，歡迎搵城市迷你倉！記得追蹤埋我地Facebook Page, MeWe同埋Blog，定期同你分享最新優惠同埋家居資訊！

最新消息: 城市迷你倉為便利客戶支付租倉費用或其他相關費用，除接受現存各種支付方法外，特增設美國運通卡。

好消息！城市迷你倉喺柴灣開設擴充第4分店，港鐵站C出口2分鐘直達！全新裝修及緊貼最新消防要求，更多不同大小呎吋以供選擇及限時優惠！