【簡易防潮】如何應付回南天？

春天已到，大家有無發現天氣會變得濕濕笠笠，家中相對濕度可達至95%或以上？相信大家都有唔少煩惱。衣服難乾又易發出霉味，皮革和木製品容易發霉，甚至濕到連牆壁都出現水珠！今次小編同大家分享幾種去濕抗霉方法，輕鬆打造清爽又清新嘅居住環境。

• 衣物速乾篇﹕

方法1﹕拱形晾衫法

晾衫時，中間位置以短衣物為主，兩則用來掛長衣物，令衣服排成拱形。上窄下寬可以令空氣更加流通，比一般晾衫方法更快變乾。

方法2﹕雙重吸濕法

教大家一個小秘訣，有一款電器與抽濕機同時用的話可以加強吸濕效果！佢就係風扇！天氣潮濕加上室內晾衫，想衣物變乾，實在難上加難。大家可以將抽濕機置於衣物附近，再將風扇吹向衣物，加快水份蒸發。

• 去除霉味篇﹕

方法1﹕定期清潔洗衣機
點解衣服洗完都有一陣陣霉臭味？幕後黑手可能係洗衣機！如果洗衣機本身經已有霉菌，無論洗幾多次衫都係無補於事，所以杜絕洗衣機內嘅霉菌先係治本嘅方法。喺洗衣槽加入清水及100g梳打粉，讓洗衣機攪動3-5分鐘，靜待30分鐘後將水放掉，再以一般洗衣程序清洗1次，定期清潔洗衣機有效防止霉菌產生。

方法2﹕將衣物浸在白醋中以辟除霉味

將衣服放入洗衣機前，先將衣物浸在加入兩匙白醋清水中20分鐘，讓醋吸附衣服上的異味，然後沖水，再把衣物放入洗衣機，咁樣霉味就能夠去除得一乾二淨！（注意：含動物纖維嘅衣服如毛衣或質地較薄嘅絲質衣物都不適宜用此方法，否則白醋有機會破壞衣物材質）

抽濕機同風扇都係屬於季節性電器，未必一年四季都會用得著，但係屋企儲物空間有限，點算好？不妨搵城市迷你倉幫手！

城市迷你倉喺黃竹坑開設全新分店，港鐵站A1出口2分鐘直達！全新裝修及緊貼最新消防要求，限時優惠低至65折，仲包運輸！記得追蹤埋我地Facebook Page, MeWe同埋Blog，定期同你分享最新優惠同埋家居資訊！