【迎接新年】新春拜年4招應付親戚問候

每逢農曆新年，總要應付親戚嘅尷尬問題，話題總離不開工作、愛情、婚姻、買樓、生仔大計。每次面對親戚轟炸式嘅「關心」，總會覺得不知所措。今次小編分享4招「妙問妙答」助你應付親戚問題，拜年時準備隨時接招！

招數1﹕聲東擊西

各位已婚大士，一聽到長輩問買樓上車呢個問題，心裏都會大翻白眼，呢個時候可以將話題拋回比親戚﹕「就快啦，等你封大利是就夠比首期架啦！」，睇佢地點樣回答，消除尷尬氣氛又不失幽默！當然要留意語氣唔係攻擊長輩，畢竟新年應該開開心心。

招數2﹕答非所問

當長輩問你尷尬問題嘅時候，點樣不失禮貌咁迴避問題？可以搶先利用一連串祝福語嚟回答﹕「祝你如意吉祥、笑口常開、新年快樂、身體健康⋯⋯」祝福語無人嫌多，相信長輩都聽到開開心心！

招數3﹕反客為主

長輩開口前，各位可以先發制人，控制話題走向。話題可以圍繞健康，表示自己對長輩嘅尊敬。見到長輩，不妨主動關心﹕「你近排身體點呀？」、「新年唔好食咁多油膩油炸食物啦」、「最近有冇做運動呀？」，哄得長輩開心之餘，佢地亦唔好意思問你尷尬問題。

招數4﹕故弄玄虛

回答問題時勿認真，面對輩份較高嘅人最好「遊花園」，避免直接回答問題。例如當長輩問拍拖未，可以答﹕「我相信緣份」。當長輩問幾時生仔，可以答﹕「我相信上天會有安排」，相信呢類答案比較玄妙，親戚們好難繼續追問落去。

新年想屋企騰出更多空間招呼親朋好友上嚟拜年？歡迎各位將物品暫存城市迷你倉。城市迷你倉準備咗一連串嘅新年優惠比大家，名額有限，先到先得，仲唔立即whatsapp 30188512！

城市迷你倉喺黃竹坑開設全新分店，港鐵站A1出口2分鐘直達！全新裝修及緊貼最新消防要求，限時優惠低至65折，仲包運輸！記得追蹤埋我地Facebook Page, MeWe同埋Blog，定期同你分享最新優惠同埋家居資訊！