【迎接牛年】新年大掃除！超實用執屋技巧！

收拾衣櫃﹕先把所有衣服取出，再分門別類，然後可按穿著次數而決定保留或者丟棄，亦可以選擇將甚少穿著嘅衣服捐到慈善機構，新一年開始就能做善事之餘，又可以為家中衣櫃騰出空間！

收納整齊﹕大家可以使用盒子、膠箱將常用物品收納好，當中女孩子瑣碎品例如化妝品、護膚品及飾物較多，可以放在易於拿取的位置。不過許多人嘅房間總有些佔用空間大又不常用嘅物品，例如在學時期嘅參考書、筆記及收藏品等，使睡房空間感愈來愈少。我地之前亦都有分享詳細既收納技巧，大家都可以跟住做。

去除雜物﹕雜物係影響屋企舒適感嘅罪魁禍首！唔想親戚朋友上黎年時，看到堆積如山嘅雜物，就要夠狠心將佢地丟棄！好多物件其他擺咗喺度好多年，但都無真正用過，所以唔好再留戀佢哋，否則只會囤積更多廢物！

清潔地板﹕一入門口第一眼通常就望地板，除了保持乾淨之外，想地板看起來更亮的話？先準備1公升的水，加上100ml醋，再用地拖抹在木地板上面，就可以使地板表面光鮮亮麗。

去除雪櫃污漬﹕將所有食品及可拆除嘅組件取出，將一茶匙的蘇打粉和700ml分量的水混合，然後用抹布蘸上自製蘇打水清潔雪櫃內部，就能輕易除去頑固污漬。

清滅雪櫃異味﹕有時不慎倒瀉食物醬汁和殘渣，又不察覺的話，隔一陣子一打開雪櫃便會傳出異味，此時可在水中加入檸檬汁或白醋，用抹布清潔雪櫃內部配件和內壁，最後用濕布擦乾淨，就大功告成！