【新年大掃除】家居清潔神器

過多個月就係農曆新年啦，小編分享幾樣家居清潔神器比大家，無論係高科技產品定係就地取材嘅傳統方法，都會一一介紹，助各位輕鬆大掃除。下篇文章將會同分享大掃除吉日，大家唔好錯過！

1. 電動清潔臂

大部份家庭都用傳統清潔方法嚟大掃除，不外乎係用清潔劑、地拖、抹布等等嘅工具嚟清潔，長時間使用容易令人腰酸背痛。有咗電動清潔臂，可以伸長縮短，輕鬆清潔一啲難以觸及嘅「鬼竄位」，例如梳化底、假天花暗角、櫃頂等等。慳力之餘仲好慳時間！

2. 蒸汽高壓清潔器

面對千年油漬，相信各位都十分頭痛，用人手清洗分分鐘要成半日時間。有咗蒸汽高壓清潔器，相信可以減少好多清潔時間，過程仲好安全！仲要唔洗用化學清潔劑，咁就唔驚有化學成分殘留，危害到嬰兒和寵物嘅健康。

3. 萬用矽膠清潔刷

最近一款萬能清潔刷深受大眾歡迎，萬用、耐用仲好抵用！就係呢款矽膠刷，表面佈滿清潔刷頭，有效清洗碗碟及微細縫隙，以防有食物殘渣積存引致細菌滋生。呢個矽膠清潔刷仲可以用來清洗蔬果，甚至做隔熱墊，矽膠質地耐用，一物多用，非常環保，難怪深受好多主婦歡迎。

4. 梳打粉

除咗高科技清潔用品，當然唔少得傳統清潔神器﹕梳打粉！去漬、去污、去異味樣樣得，重點係價錢實惠又易買到，絕對係各位嘅好幫手。大家可以參考以下用法﹕

• 清潔衣服﹕衣領和袖口位置最易出現黃漬，可將少量梳打粉加入約攝氏50至60℃的熱水，再配合少許清潔劑，便能有效洗走黃漬。
• 超強去污﹕先把橙皮用小火煮15分鐘，再加入梳打粉（水粉比例約為200：1），即可用作去除油漬。
• 安全除臭﹕在垃圾桶底部撒些梳打粉，有效防止微生物繁殖，亦可以將梳打粉放入細樽，用保鮮紙包好後再刺些小洞，放到冰箱、車內、鞋櫃，都能去除異味。

5. 白醋

大家想就地取材，用天然方法清潔的話，一支白醋都可以走天涯！大家可以參考以下用法﹕

• 去除膠紙漬﹕新年又要換揮春，面對頑強膠紙漬，大定不妨試下用醋，醋帶酸性可以分解黏性殘留物。喺膠紙漬沾上醋，等5分鐘，就可以輕鬆抹去殘留膠紙印。
• 清潔微波爐﹕將份量1：1嘅醋和水加入碗中，再用抹布擦拭微波爐內側，就可以輕鬆融化掉所有陳年污垢。
• 清潔木砧板﹕用醋浸泡過的布，簡單擦拭砧板表面，就可以達到除菌效果。

想新年期間騰出家中空間、招呼親朋好友？城市迷你倉可以幫你暫存物品！而家進行「冬日快閃」優惠，指定分店低至半價，名額有限，仲唔快啲whatsapp 68889008！

城市迷你倉喺黃竹坑開設全新分店，港鐵站A1出口2分鐘直達！全新裝修及緊貼最新消防要求，限時優惠低至65折，仲包運輸！記得追蹤埋我地Facebook Page同埋Blog，定期同你分享最新優惠同埋家居資訊！