【收納技巧】執屋易傷腰？預防「收納痛症」

相信大家呢幾日都感受到陣陣寒意！唔少人忙於整理轉季衣物，將一袋袋厚衫厚被搬出搬入，如果唔小心保護腰部和手腕，容易出現腰痛、勞損等問題，如果有舊患嘅朋友要加倍小心！今次小編同大家分享幾項收納貼士，避免大家因執屋而受傷。

• 小貼士﹕善用工具

整理轉季衣物時，大家需要將厚衫厚被從櫃頂、床底等收納位置拎出嚟，再將衣物整理好於衣櫃之中，少不免需要進行踎低、舉高手等動作。建議大家善用工具，減少腰背和肩膊肌肉受壓。例如用矮梯輔助，令雙手提起時高度相等於膊頭，而非高於頭部，可避免拉傷膊頭肌肉；善用矮凳，避免屈膝踎低，否則容易令膝頭受壓，引致痛症和骨頭退化。

• 小貼士﹕避免持續彎腰　

搬移重物時，大家應避免持續彎腰，以免觸發腰痛問題。如果不慎受傷，局部位置出現發熱情況，有機會與肌肉發炎有關，不妨進行15分鐘冰敷；如果沒有肌肉發熱發炎問題，大多屬於輕微痠痛，則可進行15分鐘熱敷。如本身有腰患，建議搬運重物時佩戴腰封。

• 小貼士﹕多做伸展動作

整理轉季衣物時，最操勞嘅莫過於雙手。如果重複進行某些動作，都有機會觸發手腕肌肉勞損問題。建議大家可以安排休息時間，休息時可進行簡單手指伸展運動來保護手腕，例如張開雙手並撐開十隻手指，保持5秒時間，咁就已經可以保護雙手。

 

城市迷你倉而家推出「轉倉優惠」，送你$800搬運費，兼享全單額外減$500，記得打嚟6888 9008預約睇倉啦！

好消息！城市迷你倉喺黃竹坑開設全新分店，港鐵站A1出口2分鐘直達！全新裝修及緊貼最新消防要求，限時優惠低至65折，仲包運輸！記得追蹤埋我地Facebook Page同埋Blog，定期同你分享最新優惠同埋家居資訊！