【家電保養】 延長電器壽命必學方法

屋企電器好快壞？無論更換或者維修電器，都要幾千蚊起跳，對於唔少家庭都係一大負擔。想延長電器壽命？大家要慎防以下「壞」習慣，避免增加電器負荷，令電器更耐用。

• 改善「壞」習慣

電器損壞同使用情況有密切關係！例如喺電器上放置重物、天氣潮濕又無做好防潮措施、插頭使用不當、過度纏繞電線等等都容易造成電器損壞，仲有機會釀成漏電意外。

發現自己有以上壞習慣，就要盡快改善。如果家中潮濕，可以多使用抽濕工具，避免電器受潮而損壞；避免在雪櫃、洗衣機上擺放重物，此舉會令機器增加負荷及影響散熱。以上例子只係冰山一角，大家要時刻留意有無電器使用不當嘅情況出現。

• 定期清潔

抽油煙機﹕相信因為疫情關係，大家多咗留喺屋企煮食。不過抽油煙機上嘅頑固油漬，容易藏污納垢，油污越積越厚，影響排煙及吸油效果。建議將專用清潔劑噴在扇葉上，透過扇葉旋轉，將油污消除；將梳打粉加水開成糊狀，抹在抽油煙機嘅配件上，待一段時間抹拭，一樣可以成功去污！

電視機﹕屏幕清潔需在關機狀態下進行，建議用柔軟乾布輕輕擦拭。不建議用絲質清潔用品，呢類物質與玻璃摩擦後產生靜電，反而令清潔用品上嘅塵埃黏在屏幕上。

 

冷氣機及風扇﹕夏天經常使用冷氣機及風扇，隔塵網及扇葉積累嘅灰塵非常多，唔單止影響健康，仲會影響機件運作。建議定期用專用清潔劑清洗過濾網，亦可拆除風扇扇葉，以清水沖洗乾淨後晾乾即可。

冬天即將到，如何處置夏季電器？一於將抽濕機、風扇等季節性電器暫存城市迷你倉，騰出蝸居空間！城市迷你倉而家推出「轉倉優惠」，送你$800搬運費，兼享全單額外減$500，記得打嚟6888 9008預約睇倉啦！

好消息！城市迷你倉喺黃竹坑開設全新分店，港鐵站A1出口2分鐘直達！全新裝修及緊貼最新消防要求，限時優惠低至65折，仲包運輸！記得追蹤埋我地Facebook Page同埋Blog，定期同你分享最新優惠同埋家居資訊！