【家居佈置】注意浴室安全！必睇 3 大防滑技巧

浴室意外一宗都嫌多，如果滑倒時不慎頭部著地，後果更係不堪設想！唔想意外發生？大家就要注意浴室安全，特別係家有小孩長者嘅家庭。今次小編分享幾個浴室防滑技巧，輕鬆保障家人安全！

浴室環境危機四伏，水漬處處，一唔小心好易發生意外。選用合適防滑墊有助穩定身體重心，減低滑倒風險。大家選購防滑墊時應留意以下幾點﹕尺寸、表面及吸盤分佈位置。

• 物料

如果浴室地面粗糙或不平滑，就要觀察防滑墊能否妥善與地面貼合，如果吸附效果唔理想，大家可以選用矽膠、橡膠等柔韌性較高嘅物料，增加貼合面積，令防滑墊更穩固。

• 吸盤分佈位置

防滑墊吸盤應該平均分佈喺整張防滑墊下方，吸盤密集度愈高，穩定性愈佳，有效吸附表面。

• 尺寸

防滑墊常放置在浴缸內和步出浴缸的位置，過大或過小都會影響防滑功能。防滑墊太大容易令邊緣位置捲起，捲起地方反而容易令人絆倒；太小則未能覆蓋濕滑位置。大家選購時應量度好尺寸，選擇合適大小嘅防滑墊。

裝修浴室時大家可選用防滑地磚，全方位提高浴室環境安全。市面上提供不同類型嘅防滑地磚，但選購時須留意防滑系數及材質。

• 防滑系數

防滑系數多數採用德國標準 (DIN Standard Ramp Testing)，分為 R9-R13 五個等級。R9 防滑程度最低，不建議使用在浴室範圍；如家有老人或小孩，建議在浴室內使用R11或以上嘅等級。

• 磁磚質地

浴室地面濕滑，如果大家更有使用淋浴油嘅習慣，就要加倍注意。如果有一兩滴油不慎滴落地上，滑倒風險大大增加。選用馬賽克磚、通體磚等啞面磁磚，速乾能力及吸水力佳，凹凸表面增加與腳底磨擦力，有效發揮防滑功能。

一般浴室都可自行加裝浴簾或浴屏，不過阻隔效果一般，水花仍可透過隙罅濺出；相比之下拉門防隔力較好，有效保持淋浴間或浴缸外嘅地方乾爽。不過礙於浴室環境地方有限，並非每間家庭都適合。大家可以衡量浴室環境，選擇合適設施。

大家除咗要注意浴室內滑倒風險，雜物多都會增加絆倒風險。大家可將唔常用嘅物品暫存城市迷你倉，騰出更多活動空間。城市迷你倉喺黃竹坑開設第15間分店，新店鄰近黃竹坑港鐵站A1出口，2分鐘直達！全新裝修, 黃竹坑迷你倉新開張限時優惠低至75折！記得打嚟5703 5203預約睇倉啦！

城市迷你倉現支援快速支付系統（轉數快 FPS）！顧客只需透過電話號碼、電郵地址或掃描分店二維碼，即可輕鬆進行跨行 / 電子錢包支付，輕鬆轉賬、付款。24小時不停運作，不受時間所限！立即追蹤埋我地Facebook Page同埋Blog，定期同你分享更多最新優惠同埋家居資訊！