【回南天抽濕方法】

近日天氣潮濕，相對濕度超過90度，屋企長期濕濕笠笠，容易令牆身變黑、紙張發霉。今次小編推介各種去潮方法及抽濕法寶，幫大家應付回南天！

• 酒精或漂白水

回南天容易令牆身發霉，建議用乾布將牆身抺乾，再用酒精、1:50嘅稀釋漂白水加清水抺牆，不但可清除牆身霉菌，更可以殺死昆蟲。同時可以在出現霉菌嘅地方，以風扇吹乾及使用抽濕機。如果浴室玻璃膠邊發黑，可將稀釋漂白水沾濕毛巾、棉花放於發霉地方。

• 梳打粉

梳打粉亦係吸濕好物，建議用小袋或空罐裝好梳打粉，然後放入衣櫃及抽屜，同樣可以吸濕。另外喺廁所排水口及馬桶，倒入經過稀釋梳打粉及白醋，亦可以有效洗走霉菌。

• 蠟燭

大家知唔知蠟燭除咗用嚟裝飾家居之外，仲有除霉功能！喺室內點燃蠟燭，令水氣無法積聚，減低室內濕度。此外，大家亦可以用淺色蠟燭喺浴室縫隙處來回塗抹，以防止細縫吸收水氣而產生霉菌。

• 竹炭

竹炭被喻為天然「吸濕大笨象」，坊間唔少吸濕包都係用咗竹出炭作為原料。由於竹炭具有調節濕度的功能，大家可以用布袋或報紙包好，再將自家製防潮袋放入唔同地方。

• 冷氣機

如果無以上物品，最簡單直接嘅吸濕方法就係開冷氣。冷氣機排出嘅空氣可以減低濕度，有效即時去濕。相反地，一熄咗冷氣機，室內溫差大，形成大量水氣，反而令房間變得更濕，只係治標唔治本嘅方法。

迎接2023，新年新氣象📢

今年防疫措施進一步放寬，大家終於可以連同親朋戚友一起共渡新一年嘅蒞臨。大家仲唔快啲將屋企打掃得乾乾淨淨做一個大掃除！城市迷你倉為大家提供<大掃除價>，指定倉更低至六折，數量有限，讓你可以輕輕鬆鬆把家具變成煥然一新！

記得追蹤埋城市迷你倉同城市搬運嘅Facebook Page同埋Blog，定期同你分享最新優惠同埋家居資訊！